Қазақстан Республикасы Парламенті Мәжілісі депутатының сапары

2026 жылғы 6 қаңтарда жұмыс сапары аясында Қазақстан Республикасы Парламенті Мәжілісінің депутаты Анас Ахатұлы Баққожаев Жоғары Солтүстік Қазақстан кәсіптік-педагогикалық колледжінде болды.

Сапар барысында депутат оқу орнының қызметімен, студенттердің білім алу жағдайларымен және колледждің материалдық-техникалық базасымен танысты. Колледж басшылығы даярлықтың негізгі бағыттары, жүзеге асырылып жатқан білім беру бағдарламалары, сондай-ақ педагогикалық ұжым мен білім алушылардың жетістіктері туралы ақпарат ұсынды.

Кездесу барысында кәсіптік-педагогикалық білім беруді дамыту, кадрларды даярлау сапасын арттыру, білім беру бағдарламаларының қазіргі еңбек нарығы талаптарына сәйкестігі және жастарды қолдау мәселелеріне ерекше назар аударылды. Анас Ахатұлы оқытушылармен және студенттермен әңгімелесіп, оларды қызықтырған сұрақтарға жауап берді және өңірдің әлеуметтік-экономикалық дамуы үшін білікті мамандар даярлаудың маңыздылығын атап өтті.

Кездесу қорытындысы бойынша депутат колледждің облыстың білім беру жүйесіндегі маңызды рөлін атап өтіп, кәсіби білім беру саласын одан әрі дамытуға бағытталған бастамаларды қолдауға дайын екенін білдірді